Sonstige Aktivitäten/Treffen/Events...

Anseilen Juli 2012 - Auszug aus dem Kirchenbrief

Eentli heff ik nie nich in een Vereen rin wullt. Ik harr wat gegen Vereensmeieri, Kooken backen, Kaffe koken un Afwaschen. Awer wie dat denn so is in't Leben, man schall nie nie seggen. Un so käm dat denn, as ik min Sportbootföhrerschien harr, dat ik in de Seilervereen gahn bin.

Dat weer nich dat verkehrteste. So heff ik al een Seilboot mitödfft, dorv mitseilen, mitfiern un nu dat tweete maal mit anseilen. Dit maal gähn dat noh Amrum. Sünnobend, obends, Klock acht, schönste Sünnschien un keen Wind, wulln wi mit 15 Lüüd in dree Böde los. Denn malörte dat, bi dat eene Boot weer wat mit dat Köhlwater nich op de Reeg. Hen un her, vör un torüch, allns nützte nix. De eersten weern al een ganze Stück weg, de annern harrn een Schur tövt un weern denn ok losgahn. Een Seiler bood sik an de Slötel för sin Boot to haaln un denn mittokaamen. He weer jüst los, as dat tweete Boot torüch käm un uns ok noch opnehm. Elf Mann hoch un een Schipp. Los gähn dat. Drinken un Schwimmwesten all heel. De See speegelblank, de Seehünne gläden mit uns langs, de Sünn wull nich ünnergahn un gäv ümmer noch genoch Wärmde af, de Stimmung an Boord allerbest. In een bäten mehr as een Stünn motorten wi noh Amrum. De letzte Fähr vun Dagebüll gähn vör uns rin un qualsterte een Masse Minschen mit grote un lütte Kuffers an Land. Dat eerste Maal in min Leben weer ik denn in de berühmte „Blaue Maus“. Noh min Meenen een ganz normaale Kneipe, awer nett. Kort vör Klock twölv sind wi wedder op de Loop gahn. Ümmer noch warm, dat Water blank, de Himmel hell. De Maand keek af un to maal ruut, maal harr he een Boort, maal seeg dat ut, as wenn he uns wegpussen wull.

Hooge leeg ganz still un düster vör uns, nehm uns still wedder op.

Wat vör een Fohrt, wat vör een Miteenanner.

„Jem warrn mit dat sülvige Maat meten, wo jem anner Lüüd mit meten doon.“ So steiht dat bi Markus. De, de mit noh Amrum weern, hem an disse Obend dat richdige Maat hatt. Op disse Fohrt stellte jedereen sin Ik torüch, um dat Miteenanner to genäten, wi mussen an de Obend nix Maat meten, uns nich un de anner ok nich. Villicht schulln wi uns dat af un to maal vör Oogen föhrn, wenn wi maal wedder mit een unse Maat meten un meenen, dat wi allns richdig maaken, de annere awer nich. Dat kümmt allns wedder noh uns torüch.

Denn doch lewer noch maal to Anseilen noh Amrum.

Ik wünsch uns all een sünnige Summer un een wiede Hart.

Tutje

Oldtimer Treffen 2008

Saison Absegeln 2011

Am 04.09. schipperten die Hooger Schiffe "Rebell", "Isis", "Rustica" und "Prinzesschen" mit 12 Mann/Frau :-) Besatzung nach Langeneß und kehrten dort zunächst auf Hilligenlei und anschließend auf Mayenswarf ein. Hat Spaß gemacht! Das nächste Absegeln kann kommen!